ನನ್ನ ಕಲ್ಪನೆಯ ಹುಡುಗಿ,
ಆಭರಣಗಳ ಹಂಗಿಲ್ಲದವಳು
ನಿರಾಭರಣೆಯೇನಲ್ಲ!
ತುಂಟನಗೆ, ಮಿಂಚನೋಟ ತೊಟ್ಟವಳು
ನನ್ನ ಕಲ್ಪನೆಯ ಹುಡುಗಿ,
ನನ್ನ ಕಲ್ಪನೆಯ ಹುಡುಗಿ
ಹಮ್ಮುಬಿಮ್ಮುಗಳ ಸೋಂಕಿಲ್ಲದವಳು
ಮುಗ್ಧ ಬೆಡಗಿಯೇನಲ್ಲ!
ಒನಪು ವೈಯ್ಯಾರಗಳ ಉಟ್ಟವಳು
ನನ್ನ ಕಲ್ಪನೆಯ ಹುಡುಗಿ
ಜೀನ್ಸ್ ಸ್ಕರ್ಟ್, ನೈಟಿಗಳೆಂದರೆ
ಮೂಗ ಮುರಿವವಳು
ನನ್ನ ಕಣ್ಣ ನೋಟಗಳು ನೇಯ್ದ
ಸೀರೆಗೆ ತಾನೆ ನೂಲಾದವಳು
ನನ್ನ ಕಲ್ಪನೆಯ ಹುಡುಗಿ
ಮಾತಿನಿಂದ ಅಣತಿ ದೂರ
ಮೌನ ದೇವತೆಯೇನಲ್ಲ
ಮಾತು ಬೆಳ್ಳಿ ಮೌನ ಬಂಗಾರ
ಎಂದರಿತವಳು.
ನನ್ನ ಕಲ್ಪನೆಯ ಹುಡುಗಿ
ಶೃಂಗಾರವೆನಲು ಕೆಂಪಗಾಗುವಳು
ಸಿಟ್ಟಿನಿಂದೇನಲ್ಲ
ಅವಳ ತಿಳಿನೀರ ಲಜ್ಜೆಯದು
ನನ್ನ ಕಲ್ಪನೆಯ ಹುಡುಗಿ
ಬರಿ ಕಲ್ಪನೆಯಲ್ಲೆ ಕನಸಾದವಳಲ್ಲ
ಕನಸುಗಳ ನನಸಾಗಿಸದಿದ್ದರೂ
ನನ್ನ ಭಾವನೆಗಳ ಬುತ್ತಿಯಾದವಳು
-- ಅರುಣ ಸಿರಿಗೆರೆ
5 comments:
ಅರುಣ ಕವನ ಸಖತ್ತಾಗಿದೆ.. ನಿಮ್ಮ ಕಲ್ಪನೆಯ ಹುಡುಗಿ ಸಿಕ್ಕಿದಾಳೋ ಇಲ್ವೋ
nijavagiyu arthapoorna kavana
ಧನ್ಯವಾದಗಳು ಗಿರೀಶ್ ಮತ್ತು ಹೆಬ್ಬಾರ್!! :)
SWAPNASAKHI, nimma INDUMUKHI
Tumba Thanks Prajnamala avrige :)
Post a Comment